www.Alba-Union.Tk
www.Alba-Union.tk & JoyTea.Tk
Tifozat Kuq e Zi kanë filluar anëtarësimin për sezonin e ri kualifikues, Afrikë e Jugut 2010. Ky anëtarësim vlen për periudhën 01 janar 2008 -- 31 dhjetor 2009. Anëtarët që na janë bashkuar pas datës 1 Korrik 2007 nuk ka nevojë ta kryejnë pagesën prej 10 eurosh, pasi kjo pagesë vlen edhe për këtë sezon të ri dyvjeçar. Afati përfundimtar për regjistrimin e anëtarëve ekzistues është data 15 SHKURT 2008. Pas kësaj date ata nuk do të mund të përfitojnë nga lehtësirat e anëtarit nëse nuk e kanë bërë regjistrimin për sezonin e ri.
Na lejoni t'ju rikujtojmë se tarifa modeste prej 10 eurosh mundëson veprimtaritë e Tifozave Kuq e Zi në mbështetje të kombëtares shqiptare të futbollit dhe të gjithë atyre që ngrenë lart Flamurin Kuq e Zi e këndojnë me shpirt e zemër Himnin Shqiptar.
Për veprimtaritë e sezonit të kaluar që u mundësuan nga kontributi juaj vullnetar dhe pagesa prej 10 euro mund të lexoni këtu. Për më shumë informacion mbi arsyet se pse duhet të bashkoheni me Tifozat Kuq e Zi ju lutemi lexoni këtu. Si gjithmonë, për çdo paqartësi, vërejtje apo sygjerim mund të na shkruani në adresën elektronike këtu.
O sa mirë me qenë shqiptar,
Tifozat Kuq e Zi
